முகத்தில் பருக்கள் வந்த பின் தோன்றும் கரும்புள்ளிகள் பலருக்கும் ஒரு பெரும் சவாலாகவே உள்ளன. இவற்றை விலையுயர்ந்த ரசாயனப் பொருட்கள் இன்றி, இயற்கையான முறையில் வேப்பிலையை கொண்டு எளிதில் போக்க முடியும். முதல் முறையில், ஒரு கைப்பிடி வேப்பிலையை இரு கப் தண்ணீரில் நன்கு கொதிக்க வைத்து ஆறவிட வேண்டும். பின் அந்த நீரை வடிகட்டி ஒரு பாட்டிலில் சேமித்து வைத்து, தினசரி முகம் கழுவப் பயன்படுத்தலாம்.
இது கரும்புள்ளிகளை வேரோடு அகற்றி, முகத்திற்கு இயற்கையான மெருகையும் பளபளப்பையும் வழங்குகிறது.இரண்டாவது முறையில், அதேபோல் கொதிக்க வைத்து ஆறவைத்த வேப்பிலை நீரை ஐஸ் க்யூப் தட்டுகளில் ஊற்றி உறைய வைக்க வேண்டும். நன்கு உறைந்த வேப்பிலை ஐஸ் கட்டிகளை ஒரு மெல்லிய பருத்தித் துணியில் சுற்றி, முகத்தில் மென்மையாக மசாஜ் செய்ய வேண்டும்.
இது முகத்தில் உள்ள நுண்கிருமிகளை அழிப்பதுடன், இரத்த ஓட்டத்தை அதிகரித்து சருமத்தை புத்துணர்ச்சியுடன் வைத்திருக்கும். வேப்பிலையில் உள்ள கிருமிநாசினி பண்புகள் பருக்கள் மீண்டும் வராமல் தடுக்க பெரிதும் உதவுகின்றன. இந்த எளிய வீட்டு வைத்தியத்தைப் பின்பற்றுவதன் மூலம், எவ்வித பக்கவிளைவுகளும் இன்றி கரும்புள்ளிகளற்ற அழகான முகத்தைப் பெறலாம்…
