புனே நகரில் நடைபெற்று வரும் பிரபலமான ‘புனே கிராண்ட் டூர்’ (Pune Grand Tour) சைக்கிள் பந்தயத்தின் முதல் கட்ட ஓட்டத்தின் (Stage 1) போது எதிர்பாராத விதமாக விபத்து ஒன்று நிகழ்ந்தது. வீரர்கள் அனைவரும் கூட்டமாக சைக்கிள் ஓட்டிச் சென்றுகொண்டிருந்தபோது (Peloton),
ஏற்பட்ட மோதலில் பல சைக்கிள் ஓட்டுனர்கள் கீழே விழுந்து காயமடைந்தனர். இந்தச் சம்பவத்தால் அப்பகுதியில் சிறிது நேரம் பரபரப்பு ஏற்பட்டது. விபத்து நடந்த உடனேயே, தயார் நிலையில் இருந்த மருத்துவக் குழுவினர்
களத்திற்கு விரைந்து வந்து காயமடைந்த வீரர்களுக்குத் தேவையான அவசர சிகிச்சைகளை அளித்தனர். நிலைமை கட்டுக்குள் வந்ததாலும், வீரர்களுக்குத் தேவையான மருத்துவ உதவிகள் வழங்கப்பட்டதாலும், சிறிது நேர இடைவேளைக்குப் பிறகு பந்தயம் மீண்டும் தொடங்கியது.
விபத்துக்கான முழுமையான காரணம் மற்றும் காயமடைந்தவர்களின் விவரங்கள் குறித்த கூடுதல் தகவல்கள் எதிர்பார்க்கப்படுகின்றன. இருப்பினும், போட்டி வெற்றிகரமாக மீண்டும் தொடங்கப்பட்டுள்ளது ரசிகர்களிடையே நிம்மதியை ஏற்படுத்தியுள்ளது…
