தினசரி சமையலில் ருசிக்காக மட்டுமே சேர்க்கப்படுவதாக கருதப்படும் தக்காளியில், லைக்கோபீன் (Lycopene), வைட்டமின் சி, பொட்டாசியம் மற்றும் ஃபோலேட் போன்ற அத்தியாவசிய சத்துக்கள் நிறைந்துள்ளன.
தலை முதல் கால் வரை தக்காளி தரும் நன்மைகள்:
-
புற்றுநோய்க்கு எதிரி: தக்காளியின் சிவப்பு நிறத்திற்கு காரணமான ‘லைக்கோபீன்’ ஒரு சிறந்த ஆன்டி-ஆக்ஸிடன்ட் ஆகும். இது உடலில் புற்றுநோய் செல்கள் உருவாவதைத் தடுப்பதில் முக்கிய பங்கு வகிக்கிறது. குறிப்பாக நுரையீரல் மற்றும் வயிறு சார்ந்த புற்றுநோய்களைத் தடுப்பதில் இது வல்லது.
-
இதயத்தின் காவலன்: தக்காளியில் உள்ள நார்ச்சத்து, பொட்டாசியம் மற்றும் வைட்டமின் சி ஆகியவை இதய ஆரோக்கியத்திற்கு உற்ற துணையாக உள்ளன. இது கெட்ட கொழுப்பைக் குறைத்து, இரத்த அழுத்தத்தைச் சீராக வைக்க உதவுகிறது.
-
மின்னும் சருமம்: தக்காளியை உணவில் சேர்ப்பது மட்டுமின்றி, சருமத்தில் பூசுவதும் நன்மை பயக்கும். இது சூரியக்கதிர்களால் ஏற்படும் பாதிப்புகளைக் குறைத்து, சருமத்தில் உள்ள கொலாஜன் உற்பத்தியை அதிகரிக்கிறது. இதனால் தோல் சுருக்கங்கள் நீங்கி, முகம் பொலிவு பெறும்.
-
கண் பார்வை மற்றும் கூந்தல்: இதில் நிறைந்துள்ள ‘பீட்டா கரோட்டின்’ மற்றும் வைட்டமின் ஏ, கண் பார்வையைத் தெளிவாக்க உதவுகிறது. மேலும், தலைமுடிக்குத் தேவையான ஊட்டச்சத்தை அளித்து, முடி உதிர்வதைக் கட்டுப்படுத்துகிறது.
-
எலும்பு பலம்: தக்காளியில் உள்ள வைட்டமின் கே மற்றும் கால்சியம், எலும்புகளை வலுப்படுத்தவும், எலும்பு தேய்மானத்தைத் தடுக்கவும் உதவுகிறது.
