தமிழகத்தில் கடந்த சில நாட்களாக ஏற்ற இறக்கத்துடன் காணப்பட்ட தங்கத்தின் விலை, இன்று யாரும் எதிர்பாராத வகையில் மிகப்பெரிய சரிவைச் சந்தித்துள்ளது. சர்வதேச சந்தையில் ஏற்பட்டுள்ள மாற்றங்கள் மற்றும் பொருளாதார சூழல் காரணமாக, இன்று ஒரே நாளில் மட்டும் ஒரு சவரன் தங்கத்தின் விலை ரூ.7,600 வரை குறைந்து நகை வாங்குவோரை மகிழ்ச்சியில் ஆழ்த்தியுள்ளது.இன்றைய நிலவரப்படி, சென்னையில் ஆபரணத் தங்கத்தின் விலை ஒரு சவரன் ரூ.1,11,600-க்கு விற்பனை செய்யப்படுகிறது.
அதேபோல், ஒரு கிராம் தங்கத்தின் விலை ரூ.13,950-ஆக நிர்ணயிக்கப்பட்டுள்ளது. கடந்த சில வாரங்களாக உச்சத்தில் இருந்த விலை, தற்போது இந்தத் தொடர் சரிவின் மூலம் சற்றே நிம்மதியைத் தந்துள்ளது.திருமண சீசன் மற்றும் விசேஷ காலங்கள் நெருங்கி வரும் வேளையில், இந்த திடீர் விலை வீழ்ச்சி நடுத்தர வர்க்கத்தினருக்குப் பெரும் உதவியாக இருக்கும் என எதிர்பார்க்கப்படுகிறது.
“தொடரும் சரிவு” என்ற இந்த அறிவிப்பால் நகைக்கடைகளில் மக்கள் கூட்டம் அதிகரிக்கத் தொடங்கியுள்ளது. விலை இன்னும் குறையுமா அல்லது மீண்டும் ஏற்றத்தைச் சந்திக்குமா என்பதைப் பொறுத்திருந்துதான் பார்க்க வேண்டும்…
