90-களில் தமிழ் திரையுலகின் முன்னணி ஹீரோக்களுக்கு சிம்மசொப்பனமாக விளங்கிய மிரட்டலான வில்லன் நடிகர் பொன்னம்பலம், தற்போது உடல்நலக் குறைவால் அவதிப்பட்டு வரும் செய்திகள் திரையுலகினரையும் ரசிகர்களையும் பெரும் சோகத்தில் ஆழ்த்தியுள்ளது. கடந்த சில ஆண்டுகளாகவே படங்களில் நடிக்காமல் ஒதுங்கியிருந்த அவருக்கு, இரண்டு ஆண்டுகளுக்கு முன்பு கடுமையான சிறுநீரகப் பாதிப்பு ஏற்பட்டது. அந்த இக்கட்டான சூழலில், தெலுங்கு மெகா ஸ்டார் சிரஞ்சீவி ரூ. 45 லட்சம் நிதி உதவி வழங்கி அவரது சிகிச்சைக்கு உறுதுணையாக நின்றார் என்பது குறிப்பிடத்தக்கது. பிக் பாஸ் சீசன் 2-ல் போட்டியாளராகப் பங்கேற்று மீண்டும் மக்கள் மத்தியில் பிரபலமான பொன்னம்பலத்தின் உடல்நிலை, தற்போது மேலும் நலிவடைந்துள்ளது.
தற்போது முழுமையாக எழுந்து நடக்க முடியாத நிலையில், அவர் எப்போதும் வீல் சேரிலேயே (Wheelchair) அமர்ந்திருக்கும் புகைப்படங்கள் வெளியாகியுள்ளன. இந்நிலையில், வீல் சேரில் அமர்ந்தபடியே அவர் நடனமாடும் வீடியோ ஒன்று சமூக வலைதளங்களில் வெளியாகி வைரலாகி வருகிறது. இதனைப் பார்த்த ரசிகர்கள், “திரையில் கம்பீரமாக வலம் வந்த மனிதர் இன்று இப்படி ஒரு நிலைக்குத் தள்ளப்பட்டு விட்டாரே” என நெகிழ்ச்சியுடனும் வருத்தத்துடனும் பதிவிட்டு வருகின்றனர்.
உடல்நிலை ஒத்துழைக்காத போதும், அவரது கலை ஆர்வம் குறையாமல் இருப்பதை அந்த வீடியோ காட்டினாலும், அவரது தற்போதைய தோற்றம் ரசிகர்களைக் கலங்க வைத்துள்ளது. அவர் விரைவில் முழுமையாகக் குணமடைந்து பழைய நிலைக்குத் திரும்ப வேண்டும் எனப் பலரும் பிரார்த்தனை செய்து வருகின்றனர்…
💥 Ponnambalam’s Mass Kuthu Dance!#ponnambalam #latestupdates #cineulagam pic.twitter.com/bhWycEtPih
— Cineulagam (@cineulagam) February 3, 2026
