இன்றைய காலகட்டத்தில் பலரும் சந்திக்கும் முக்கியப் பிரச்சனையான முடி உதிர்வைத் தடுக்க, ரசாயனப் பொருட்களைத் தவிர்த்து இயற்கையான தீர்வுகளை நோக்கி மக்கள் நகரத் தொடங்கியுள்ளனர். சந்தையில் கிடைக்கும் ஷாம்பு மற்றும் கண்டிஷனர்களுக்கு மாற்றாக, வீட்டிலேயே எளிய முறையில் மூலிகை எண்ணெயைத் தயாரிப்பது எப்படி என்பது குறித்துப் பார்க்கலாம். இதற்குத் தேவையான செம்பருத்திப் பூக்கள், மருதாணி இலைகள் மற்றும் புல்லுருவி போன்றவற்றைச் சேகரித்துக் கொள்ள வேண்டும். முதலில் ஒரு வாணலியில் உங்கள் கூந்தலின் நீளத்திற்கு ஏற்ப செம்பருத்திப் பூத் தூள் மற்றும் மருதாணி இலைகளைச் சேர்த்துக் கொள்ளவும். இதனுடன் எள் எண்ணெய் அல்லது தேங்காய் எண்ணெயை ஊற்றி, மிதமான தீயாக வைத்து நன்றாக வதக்க வேண்டும்.
அனைத்துப் பொருட்களும் எண்ணெயுடன் சேர்ந்து வெந்த பிறகு, அந்த எண்ணெயை வடிகட்டி ஒரு ஜாடியில் சேமித்து வைக்கலாம். இந்த இயற்கை எண்ணெயைக் கொண்டு தினமும் தலைமுடி மற்றும் உச்சந்தலையில் மசாஜ் செய்து வருவது சிறந்த பலனைத் தரும். இதன் மூலம் முடி உதிர்வு நின்று, வேர்களில் இருந்து கூந்தல் பலம்பெற்று வளரத் தொடங்கும்.
ரசாயன பாதிப்புகள் ஏதுமின்றி ஆரோக்கியமான முறையில் கூந்தலைப் பராமரிக்க இந்த முறை மிகச் சிறந்தது. இதனைத் தொடர்ந்து பயன்படுத்தி வருவதன் மூலம் பொடுகு மற்றும் முடி சேதமடைதல் போன்ற பிரச்சனைகளுக்கும் முற்றுப்புள்ளி வைக்கலாம். இயற்கை தந்த வரப்பிரசாதமான இந்த மூலிகை எண்ணெய் உங்கள் கூந்தல் அழகை மேம்படுத்தும் என்பதில் சந்தேகமில்லை…
