இன்றைய அவசர உலகில் இளநரை மற்றும் நரை முடி என்பது பலருக்கும் பெரும் கவலையைத் தரும் விஷயமாக மாறியுள்ளது. வார விடுமுறை நாட்களில் பலரும் செய்யும் முதல் காரியம் வெள்ளை முடியை மறைப்பதாகவே உள்ளது. சந்தையில் கிடைக்கும் ரசாயனப் பொருட்கள் தற்காலிக தீர்வைத் தந்தாலும், அவை முடியின் ஆரோக்கியத்தைப் பாதிக்கின்றன. இந்நிலையில், ஆயுர்வேத முறையில் கருஞ்சீரகத்தைப் பயன்படுத்தி நிரந்தரமாக முடியைக் கருமையாக்கும் ரகசியம் குறித்து நிபுணர்கள் விளக்குகிறார்கள்.
கருஞ்சீரகம் பூஞ்சை மற்றும் பாக்டீரியா எதிர்ப்பு பண்புகளைக் கொண்டது. இது பொடுகைக் கட்டுப்படுத்தி, முடி உதிர்வைத் தடுப்பதுடன் வேரிலிருந்தே முடியை நீண்ட காலத்திற்கு கருமையாக வைத்திருக்க உதவுகிறது. இந்த இயற்கை ஹேர் டை தயாரிக்க ஒரு இரும்புச் சட்டியில் ஒரு கிண்ணம் கருஞ்சீரகம் மற்றும் இரண்டு ஸ்பூன் தேயிலை இலைகளைச் சேர்த்து நன்கு வதக்க வேண்டும். இதனுடன் ஒரு ஸ்பூன் பீட்ரூட் தூள் சேர்த்து, அனைத்தும் கருப்பாக மாறும் வரை வறுக்க வேண்டும்.
ஆறிய பின் இதனை மிக்ஸியில் அரைத்துப் பொடியாக்கிக் கொள்ளவும். தேவையான போது ஒரு ஸ்பூன் இந்தப் பொடியுடன் இரண்டு ஸ்பூன் கடுகு எண்ணெய் கலந்து வெள்ளை முடி உள்ள இடங்களில் தடவ வேண்டும். 40 நிமிடங்கள் கழித்துத் தலையை அலசினால், வெள்ளை முடி வேரிலிருந்தே கருமையாக மாறுவதை உணரலாம். ரசாயனங்கள் இன்றி ஆரோக்கியமான முறையில் கருமை நிறம் பெற விரும்புவோருக்கு இந்த வீட்டு வைத்தியம் ஒரு சிறந்த மாற்றாகும்…
