- தமிழகத்தில் வாக்காளர் பட்டியலில் பெயர் சேர்த்தல், நீக்கல் மற்றும் திருத்தங்களை மேற்கொள்வதற்கான சிறப்பு முகாம்கள் இன்று முதல் தொடங்குகின்றன.
- 97 லட்சம் பெயர்கள் நீக்கம்
- தமிழகத்தில் அண்மையில் மேற்கொள்ளப்பட்ட எஸ்.ஐ.ஆர். (SIR) பணிகளுக்குப் பிறகு, கடந்த 19-ம் தேதி வரைவு வாக்காளர் பட்டியல் வெளியிடப்பட்டது. இதில், சுமார் 97 லட்சத்திற்கும் மேற்பட்ட வாக்காளர்களின் பெயர்கள் நீக்கப்பட்டுள்ளன. இவர்களில் 66 லட்சம் பேர் இடம் மாறிச் சென்றவர்கள் எனத் தெரிவிக்கப்பட்டுள்ளது. இவ்வாறு நீக்கப்பட்டவர்கள் மீண்டும் வாக்காளராகச் சேர ஜனவரி 18-ம் தேதி வரை அவகாசம் வழங்கப்பட்டுள்ளது.
- குவியும் விண்ணப்பங்கள்
- வரைவு பட்டியல் வெளியான குறுகிய காலத்திலேயே, பெயர் சேர்ப்பதற்காக (படிவம் 6) இதுவரை 1,68,825 விண்ணப்பங்கள் பெறப்பட்டுள்ளதாக தேர்தல் ஆணையம் தெரிவித்துள்ளது.
- சிறப்பு முகாம் எப்போது?
- பொதுமக்கள் தங்கள் பகுதி வாக்குச்சாவடிகளுக்குச் சென்று எளிதாக விண்ணப்பிக்கும் வகையில், தமிழக தலைமை தேர்தல் அதிகாரி அர்ச்சனா பட்நாயக் 4 நாட்கள் சிறப்பு முகாம்களை அறிவித்துள்ளார்:
முதல் கட்டம்: இன்று மற்றும் நாளை (டிசம்பர் 27, 28 – சனி, ஞாயிறு)
இரண்டாம் கட்டம்: வரும் ஜனவரி 3 மற்றும் 4-ம் தேதிகள் (சனி, ஞாயிறு)
முக்கிய அம்சங்கள்:
தமிழகம் முழுவதும் உள்ள சுமார் 75,000 வாக்குச்சாவடிகளில் இந்த முகாம்கள் நடைபெறுகின்றன.
பெயர் சேர்த்தல் (படிவம் 6), பெயர் நீக்கம் (படிவம் 7) மற்றும் முகவரி மாற்றம்/திருத்தங்களுக்கு (படிவம் 8) விண்ணப்பிக்கலாம்.
18 வயது பூர்த்தியடைந்தவர்கள் மற்றும் வரைவு பட்டியலில் பெயர் விடுபட்டவர்கள் இந்த வாய்ப்பைப் பயன்படுத்திக் கொள்ளுமாறு தேர்தல் ஆணையம் அறிவுறுத்தியுள்ளது.
ஆன்லைன் மூலமாக விண்ணப்பிக்க விரும்புவோர் voters.eci.gov.in என்ற இணையதளம் அல்லது ‘Voter Helpline’ செயலி மூலமாகவும் விண்ணப்பிக்கலாம் எனத் தெரிவிக்கப்பட்டுள்ளது.
