மதுரையில் சாமானிய மக்களின் பசியைப் போக்கும் வகையில் புதிய திட்டம் ஒன்று 2026-ம் ஆண்டில் தொடங்கப்பட்டுள்ளது. ‘சூரிய தொண்டு நிறுவனம்’ சார்பில் ‘மதுரை சரவணா கிச்சன்’ என்ற நடமாடும் உணவகம் அறிமுகப்படுத்தப்பட்டுள்ளது.
இந்த உணவகத்தில் காலை உணவாக வெறும் 10 ரூபாய்க்கு 4 இட்லிகள் வழங்கப்படுகின்றன. இட்லியுடன் சேர்த்து சூடான தேநீரும் இந்த 10 ரூபாய் கட்டணத்திலேயே வழங்கப்படுவது.
இதன் சிறப்பம்சமாகும். தினசரி கூலித் தொழிலாளர்கள் மற்றும் ஏழை எளிய மக்கள் பசியின்றி இருக்க வேண்டும் என்பதே இதன் முக்கிய நோக்கம். மதுரையின் ‘அட்சய பாத்திரமாக’ இந்த உணவகம் செயல்படும் என
அதன் நிர்வாகிகள் தெரிவித்துள்ளனர். தற்போது காலை உணவுடன் தொடங்கப்பட்டுள்ள இந்த சேவை, விரைவில் இரவு நேரத்திற்கும் விரிவுபடுத்தப்பட உள்ளது. இரவு வேளைகளில் இட்லி மற்றும் சப்பாத்தி போன்ற உணவுகளை வழங்கவும் திட்டமிடப்பட்டுள்ளது. கூடுதலாக,
மலிவு விலையில் பிரியாணி வழங்கவும் ஆலோசிக்கப்பட்டு வருவதாகத் தெரிவிக்கப்பட்டுள்ளது. ஒரு நபர் வயிறார சாப்பிடுவதற்கு இந்த 10 ரூபாய் உணவு போதுமானதாக இருக்கும் வகையில் அளவு நிர்ணயிக்கப்பட்டுள்ளது.
தரமான மற்றும் சுகாதாரமான முறையில் உணவு தயாரித்து விநியோகிக்கப்படுவதாக உறுதியளிக்கப்பட்டுள்ளது. விலைவாசி உயர்ந்து வரும் இக்காலத்தில், இந்த மலிவு விலை உணவகம் பொதுமக்களிடையே பெரும் வரவேற்பைப் பெற்றுள்ளது. பசியோடு யாரும் இருக்கக்கூடாது என்ற
உயர்ந்த நோக்கத்தில் இந்த சேவை முன்னெடுக்கப்பட்டுள்ளது. இந்த நடமாடும் உணவகத்தின் மூலம் நகரின் பல்வேறு பகுதிகளுக்கும் சென்று உணவளிக்க முடியும். மதுரை மக்களின் பாராட்டுகளைப் பெற்றுள்ள இத்திட்டம், வரும் காலங்களில் மேலும் விரிவடையும் என எதிர்பார்க்கப்படுகிறது…
