மனித வாழ்வு என்பது கருவில் தொடங்கி கல்லறை வரை பல்வேறு சடங்குகளால் கட்டமைக்கப்பட்ட ஒரு பயணமாகும். ஒரு காலத்தில் இவற்றை வெறும் மூடநம்பிக்கை என்று நவீன உலகம் ஒதுக்கியது. ஆனால் இன்று, அதே உலகம் சடங்குகளின் பின்னால் உள்ள உளவியல் மற்றும் அறிவியல் காரணங்களை வியந்து பார்க்கத் தொடங்கியுள்ளது.குறிப்பாக, ‘பார்டர்லைன் பெர்சனாலிட்டி டிஸ்ஆர்டர்’ (BPD) எனப்படும் தீவிர மனநலப் பிரச்சனைக்கு, முறையான சடங்குகள் ஒரு மருந்தாக அமைவதை ஆய்வுகள் உறுதிப்படுத்துகின்றன.
அதீத கோபம், தனிமை உணர்வு, நிலையற்ற மனநிலை போன்ற BPD அறிகுறிகளை, சடங்குகள் தரும் ஒழுங்குமுறை (Structure) வெகுவாகக் கட்டுப்படுத்துகிறது. அறிவியலின் படி, சடங்குகள் மனித நரம்பு மண்டலத்தை சீராக்கும் ஒரு ‘மென்பொருள்’ போல செயல்படுகின்றன.மூளையின் ‘அமிக்தலா’ பகுதியை அமைதிப்படுத்தி பதற்றத்தைக் குறைக்கவும், ‘ப்ரீஃப்ரான்டல் கார்டெக்ஸ்’ மூலம் முடிவெடுக்கும் மனச்சுமையை நீக்கவும் சடங்குகள் உதவுகின்றன.
மேலும், திருவிழாக்கள் மற்றும் சடங்குகளின் போது உறவுகள் கூடுவதால் சுரக்கும் ஆக்சிடாசின் (Oxytocin) மற்றும் டோபமைன் (Dopamine), மனதிற்கு மகிழ்வையும் ஆறுதலையும் தருகிறது. எனவே, சடங்குகளை வெறும் பழமையாகப் பார்க்காமல், அவற்றை அர்த்தத்துடன் கடைப்பிடிப்பது சமச்சீரான, ஆரோக்கியமான மனநிலைக்கு அவசியம் என்று நவீன அறிவியல் நிரூபித்துள்ளது. முன்னோர்களின் வழிகாட்டலை அறிவியலும் இன்று ஆமோதிக்கிறது…
