இன்றைய காலகட்டத்தில் மன அழுத்தம், ஊட்டச்சத்து குறைபாடு மற்றும் மாசுபாடு காரணமாகப் பலருக்கும் இளம் வயதிலேயே முடி நரைக்கத் தொடங்குகிறது. இதற்குத் தீர்வாக ரசாயன முடி சாயங்களைத் தேடிச் செல்லாமல், வீட்டிலுள்ள கறிவேப்பிலை மற்றும் தயிர் கொண்டு நிரந்தரத் தீர்வு காணலாம். ஒரு கைப்பிடி கறிவேப்பிலையை அரைத்து, தயிருடன் கலந்து பேஸ்ட் செய்து உச்சந்தலையில் தடவி 30 நிமிடங்கள் ஊறவைத்துக் கழுவ வேண்டும். கறிவேப்பிலையில் உள்ள ஆன்டி-ஆக்ஸிடன்ட்கள், வைட்டமின்கள் மற்றும் புரதம் ஆகியவை முடியின் வேர்க்கால்களை வலுப்படுத்தி இரத்த ஓட்டத்தை மேம்படுத்துகின்றன.
குறிப்பாக, இது மெலனின் உற்பத்தியை அதிகரித்து நரைத்த முடியைப் படிப்படியாகக் கருப்பாக்க உதவுகிறது. பொடுகுத் தொல்லை, முடி உதிர்தல் போன்ற பிரச்சனைகளை நீக்கி முடி வளர்ச்சியைத் தூண்டும் ஆற்றல் இதற்கு உண்டு. கறிவேப்பிலையைத் தலைமுடியில் தடவுவதுடன் உணவில் சேர்த்துக் கொள்வதும் கூடுதல் பலனைத் தரும்.
நரை முடியை மறைப்பதை விட, அதன் வேர்க்கால்களில் இருந்து ஆரோக்கியத்தை மீட்டெடுப்பதே சரியான தீர்வாகும். இந்த எளிய வீட்டு வைத்தியம் மூலம் ஆரோக்கியமான மற்றும் அடர்த்தியான கறுப்பு முடியைப் பெற முடியும் எனப் பரிந்துரைக்கப்படுகிறது…
