தமிழகத் தலைநகர் சென்னையில் இன்று ஐஏஎஸ் மற்றும் ஐபிஎஸ் உயர் அதிகாரிகளின் ஆலோசனைக் மாநாடு மிகச் சிறப்பாக நடைபெற்றது. இம்மாநாட்டில் பங்கேற்று உரையாற்றிய தமிழக முதல்வர் விஜய் அவர்கள், மாநிலத்தின் சட்டம் ஒழுங்கு மற்றும் நிர்வாகச் சீர்திருத்தங்கள் குறித்துப் பல்வேறு முக்கிய அறிவுறுத்தல்களை அதிகாரிகளுக்கு வழங்கினார்.அதிகாரிகள் மத்தியில் பேசிய முதல்வர், சமூகத்தில் மிகவும் நலிவடைந்த பிரிவினரான பெண்கள் மற்றும் குழந்தைகளுக்கு எதிரான குற்றங்களைத் தடுப்பதில் காவல்துறை மற்றும் நிர்வாகத்துறை எப்போதுமே தனி கவனம் செலுத்த வேண்டியது கட்டாயம் என்று வலியுறுத்தினார். குற்றச் செயல்களுக்குச் சற்றும் இடமளிக்காத வகையில் முன்னெச்சரிக்கை நடவடிக்கைகள் தீவிரப்படுத்தப்பட வேண்டும் என்றும் அவர் கேட்டுக்கொண்டார்.
மேலும், “நம்முடைய அரசு என்பது கட்சிக்காரர்களைத் திருப்திப்படுத்துவதற்கான அரசு அல்ல; இது முற்றிலும் பொதுமக்களுக்கான அரசாக மட்டுமே இருக்க வேண்டும். எனவே, அரசியல் தலையீடுகளுக்கு முக்கியத்துவம் கொடுக்காமல், மக்கள் நலனை மட்டுமே பிரதானமாக வைத்து அதிகாரிகள் செயலாற்ற வேண்டும்” என்று அதிரடியாகக் குறிப்பிட்டார். இதோடு, அரசின் அனைத்து நலத்திட்டங்களும் தகுதியான கடைக்கோடி மனிதனுக்கும் முழுமையாகச் சென்றடைவதை உறுதி செய்யும் வகையில்,
திட்டங்களை விரைவாகவும் முழுமையாகவும் அமல்படுத்த வேண்டும் என்றும் அதிகாரிகளுக்கு முதல்வர் விஜய் உத்தரவிட்டார். முதலமைச்சரின் இந்த நெறிமுறையான பேச்சு, அரசு அதிகாரிகள் மற்றும் பொதுமக்களிடையே பெரும் வரவேற்பைப் பெற்றுள்ளது…
